மதுரை மாவட்டம் தோப்பூரில் சுமார் 220 ஏக்கருக்கும் அதிகமான பரப்பளவில் உருவாகி வருகிறது எய்ம்ஸ் மருத்துவமனை. மொத்தம் 1,977 கோடி மதிப்பீட்டில் உருவாக்கப்படும் இந்தத் திட்டத்திற்கு, ஜப்பான் பன்னாட்டுக் கூட்டுறவு முகமையான JICA, சுமார் 82 சதவீத நிதியை கடனாக வழங்குகிறது. மீதமுள்ள தொகையை மத்திய அரசு ஒதுக்கீடு செய்கிறது. கட்டுமானப் பணிகள் இரண்டு கட்டங்களாகப் பிரிக்கப்பட்டு நடைபெற்று வருகின்றன.
இதில் முதற்கட்டப் பணிகள் தற்போது குறிப்பிடத்தக்க முன்னேற்றத்தை எட்டியுள்ளன. கல்வி வளாகம், மாணவர் விடுதிகள், புறநோயாளிகள் பிரிவு, ஐடி கட்டிடம், உணவகங்கள் எனப் பல்வேறு கட்டிடங்களில் பணிகள் இறுதிக்கட்டத்தை நோக்கி நகர்கின்றன. சில முக்கியக் கட்டிடங்களில் வெளிப்புற வண்ணம் பூசும் பணிகளும் நடைபெற்று வருகின்றன. அரசின் சமீபத்திய அதிகாரப்பூர்வத் தகவலின்படி, முதற்கட்டப் பணிகள்