சென்னை கிளாம்பாக்கம் கலைஞர் நூற்றாண்டு பேருந்து முனையத்துக்குப் புறநகர் ரயில் இணைப்பு வழங்கும் திட்டம் அடுத்தகட்டத்தை எட்டியுள்ளது. பேருந்து முனையத்தையும் புதிதாக அமைக்கப்பட்டுள்ள கிளாம்பாக்கம் நிறுத்த ரயில் நிலையத்தையும் இணைக்கும் வகையில், 275 மீட்டர் நீள நடைமேம்பாலம் அமைக்கப்பட்டு வருகிறது. இதற்காக, ரயில் தண்டவாளங்களின் குறுக்கே இரும்புத் தூண்கள் அமைக்கும் பணி நிறைவடைந்துள்ளது. பாதுகாப்பு காரணங்களுக்காக, புதன்கிழமை ரயில் போக்குவரத்து நிறுத்தப்பட்டு இந்தப் பணிகள் மேற்கொள்ளப்பட்டன.
தற்போது இரும்புத் தகடுகளைப் பொருத்துதல், இணைப்புகளை உறுதிப்படுத்துதல் உள்ளிட்ட பணிகள் நடைபெற்று வருகின்றன. இவை முடிந்ததும் மின்தூக்கிகள் மற்றும் நகரும் படிக்கட்டுகள் அமைக்கும் பணிகள் தொடங்கும் என அதிகாரிகள் தெரிவித்துள்ளனர். 2023 டிசம்பரில் திறக்கப்பட்ட கிளாம்பாக்கம் பேருந்து முனையத்தில், இதுவரை மாநகரப் பேருந்துகள் மட்டுமே முக்கிய பொதுப்